• Басты
  • Астана халқының саны 1 тамызда 838394 адамды құрады

Астана халқының саны 1 тамызда 838394 адамды құрады

22 Қыркүйек, 2014 12:23
Астана қаласындағы халықтың саны ағымдағы есеп бойынша 2014 жылғы 1 тамызда 838394 адамды, оның ішінде «Алматы» ауданы бойынша - 376245 (44,9%), «Есіл» ауданы бойынша - 121243 (14,4%), «Сарыарқа» ауданы бойынша - 340906 (40,7%) адамды құрады.

Астана қаласының департаменті хабарлағандай, 2014 жылдың басымен салыстырғанда, Астана қаласындағы халықтың жалпы саны  23959 адамға, оның ішінде «Алматы» ауданы бойынша - 8218 адамға, «Есіл» ауданы бойынша  -  7439 адамға, «Сарыарқа» ауданы бойынша - 8302 адамға көбейді.

2014 жылғы қаңтар-шілдеде халықтың табиғи өсімі - 11743 адамды, көші-қон өсімі - 12216 адамды құрады.

2014 жылғы қаңтар-шілдеде жалпы Астана қаласы бойынша 13823 туылғандар тіркелді, бұл өткен жылдың сәйкес кезеңімен салыстырғанда 9,4%-ға артық. Сонымен қатар, халықтың табиғи өсімі өткен жылғы қаңтар-шілдемен салыстырғанда 10,5%-ға көтерілді және 11743 адамды құрады.

Осы аралықта қалада 2080 адам қайтыс болды, бұл 2013 жылғы қаңтар-шілдедегі көрсеткіштен 3,5%-ға артық.

2014 жылғы қаңтар-шілдеде 1 жасқа дейінгі балалар өлімінің 97 жағдайы тіркелді, бұл 2013 жылдың сәйкес кезеңіне қарағанда 9 жағдайға аз. Сәбилер өлім-жітімінің коэффициенті 7,02 (2013 жылғы қаңтар-шілдеде - 8,39) құрады.

Халық өлімінің негізгі себептер топтарының арасында ең үлкен үлес салмақты, әдеттегідей, қан айналымы жүйесі аурулары - 34,7%, өскіндер - 21,3%, жазатайым оқиғалар, улану және жарақаттану - 12,5% алады.

2014 жылғы қаңтар-шілдедегі АХАТ органдарында тіркелген некелесулер саны, өткен жылдың сәйкес кезеңімен салыстырғанда 13,0%-ға, ажырасулар саны 9,3%-ға өсті.

 

Барлық жаңалықтар