«Мерейлі отбасы» ұлттық байқауында көпбалалы отбасы жеңіске жетті

22 Қыркүйек, 2014 12:06

«Мерейлі отбасы» ұлттық байқауында Оңтүстік Қазақстан облысы Түркістан қаласының көпбалалы отбасы жеңіске жетті. Елтай Бимаханбетова мен Елена Төлеуқызы 7 ұл,1 қыз, 33 немере мен 15 шөбере тәрбиелеп отыр.

«Біздің отбасына 63 жыл толды. Алматыда оқыдық. Сол қалада танысып, үйлендік, екі жыл өткен соң оқуды бітіріп Түркістан қаласына келдік. Қазір біздің балаларымыз ер жетті, жоғары білім алды, үйленді. Біз бүгінгі таңда немере, шөберелеріміздің жетістіктеріне қуанамыз», - деді Елена Бимаханбетова.

Отбасы отағасы Елтай Бимаханбетұлы ОҚО Түркістан қаласының құрметті азаматы. Олардың отбасында жоғары білімге ие болу тәртіп ретінде жүзеге асады.

Елтай Бимаханбетов ұзақ әрі күрмелі жолды өтіп, өз мамандығын мәдениет саласынан тапты. Өз шығармашылығында ол бірнеше туындыларын жарыққа шығарды. Өз күшін барлық жанрда сынай білді, құрметті лауазымға да ие болып көрді.

«Мен 2 жасымда жетім қалдым. Атам мен әжемнің тәрбиесінде болдым, олар өмірден өткеннен кейін 10 жасымда балалар үйіне жіберілдім. Мектепті бітірдім, 3 курста үйленіп, үй болдым, жұбайыммен бірге Түркістан қаласына көшіп келдім», - деді Е.Бимаханбетов.

Айта кетейік, «Мерейлі отбасы» байқауының жеңімпаздары Бимаханбетовтер Мемлекет басшысы Нұрсұлтан Назарбаевтың қолынан бас жүлдені алды.

«Мерейлі отбасы» байқауының қорытындысы Астана қаласында өтті. Соңғы айналымға Қазақстан аймақтарының 16 отбасысы шықты. Президент жеңімпаздарға отандық шағын автобус пен дипломды табыс етті.

Индира Қауметова

Барлық жаңалықтар