Сыбайлас жемқорлыққа қарсы іс-қимыл бағдарлама жобасына 800-ге жуық ұсыныс түсті
22 Қыркүйек, 2014 11:23
«STOP-қылмыс» жобасын жүзеге асыру шеңберінде «Нұр Отан» партиясының Сыбайлас жемқорлыққа қарсы іс-қимыл жөніндегі 2015-2025 жылдарға арналған бағдарламасының жобасын талқылау бойынша жұмыстар жүргізілуде. Бүгінгі күні жобаға қатысты 800-ге жуық ұсыныс пен толықтырулар келіп түсті.
«Нұр Отанда» хабарлағандай, «STOP-қылмыс» жобасының басты мақсаты – қоғамда құқық бұзушылыққа «нөлдік» төзімсіздік, сондай-ақ, жемқорлыққа қарсы иммунитет қалыптастыру.
«Жемқорлыққа қарсы іс-қимыл жөніндегі бағдарлама жобасы бастауыш партия ұйымдарында және партияның аймақтық филиалдары саяси кеңесінің кеңейтілген отырыстарында талқыланды. 800 ұсыныстың 127-і сарапшылардан, 601-і бастауыш партия ұйымдарынан, 34-ін Парламент депутаттарынан келіп түсті, 10 ұсыныс партия поштасына жолданған», - делінген хабарламада.
