• Басты
  • Азия ойындарында қазақстандық спортшылар 2 алтын, 3 қола медальға ие болды

Азия ойындарында қазақстандық спортшылар 2 алтын, 3 қола медальға ие болды

22 Қыркүйек, 2014 10:21
Корей Республикасының Инчхон қаласында 17 жазғы Азия ойындарының шымылдығы түрілген болатын. Барлық делегациялардың арасында ең үлкен құрамамен келген Қазақстан үшін Азия кеңістігінің спорттық жыл оқиғасы сәтті басталды.

«Қазақстан қоржынына алғашқы алтын жүлдені ауыр атлетші Маргарита Елисеева қосты. Маргарита «А» тобында 48 кг дейінгі салмақ категориясындағы қоссайыста 194 кг жинап, спортшы қыздардың арасында жеңімпаз атанды. Қазақстан ұлттық құрамасының келесі алтын жүлдесін 60 кг дейін салмақ категориясында додаға түскен дзюдошымыз Елдос Сметов жеңіп алды. Сонымен қатар, дзюдошыларымыз Линария Мингазова (52 кг дейін) және Азамат Мұқанов (66 кг дейін) Азия қола жүлделері үшін арпалыстағы жеңістерімен қуантты», - деп хабарлады мәдениет және спорт министрлігі.

Жалпы, Азиаданың алғашқы күнінде қазақстандық атлеттер он төрт спорт түрі бойынша өнер көрсеткен болатын.

Жарыстың алғашқы күнінің нәтижелері бойынша жалпыкқмандалық жүлде есебінде Қазақстан ұлттық құрамасы төртінші орынға тұрақтады. 

Барлық жаңалықтар