Таяу перспективада Қазақстан ішкі нарықты мұнай өнімдерімен толық қамти алады - Ұ.Қарабалин
17 Қыркүйек, 2013 11:00
Табиғи ресурстарды тиімді басқару және шикізат секторынан түсетін кірісті пайдалану тұжырымдамасының жобасы шеңберінде 2020 жылға қарай Қазақстан мұнай импортын барынша азайтып, ішкі нарықты толығымен қамтуға көшеді, деп хабарлады мұнай және газ министрі Ұзақбай Қарабалин.
«Мұнай импортын барынша азайту, сондай-ақ ішкі тұтынуды толықтай қамтамасыз етуге мемлекет 2020 жылы қол жеткізеді», -деді МГМ басшысы ҚР Үкіметі отырысында.
Мемлекет басшысының «Қазақстан-2050» Жолдауын жүзеге асыру аясында Мұнай және газ министрлігіне Табиғи ресурстарды тиімді басқару және шикізат секторынан түсетін кірісті пайдалану тұжырымдамасын жасау тапсырылған болатын.
