Халық сапалы медициналық көмекке ие болу үшін Алматыға келеді – Г.Әбдіқалықова
Халық сапалы медициналық көмекке ие болу үшін Алматыға келеді.Елімізде халық арасында өлім-жітім көрсеткіші төмендеп келеді, тек соңғы 5 жылдың ішінде бұл көрсеткіш үш есеге азайған. Ана мен бала өлім-жітімінің көрсеткіштері өткен жылмен салыстырғанда 18%-ға төмендепті.
«Әрине алда жұмыс істеуді қажет ететін мәселелер баршылық, ана мен бала өлімін барынша төмендетуіміз қажет. Өкінішке қарай, туберкулез деңгейі бойынша әлемдік рейтингте алып отырған орнымыз көңіл көншітпейді. Туберкулезбен күресу үшін жаңа бағдарлама қабылданды, оны жергілікті атқарушы органдармен бірлесіп жүзеге асыру қажет», - деп атап өтті Гүлшара Әбдіқалықова.
Сондай-ақ ол ана мен бала өлімін төмендету үшін елімізде денсаулық сақтау және әлеуметтік даму министрлігі деңгейінде арнайы штаб құрылғанын тілге тиек етті.
