Мәжілісмендер сенбілікте 150-ден астам шаған мен үйеңкі ағашын отырғызды
20 Қыркүйек, 2014 14:32
Мәжілісмендер жалпықалалық сенбілікке қатысты.
«Бүгін Қазақстан Парламенті Мәжілісі депутаттары мен Аппарат қызметкерлері жаппай сенбілікке қатысып, дәлірек айтқанда, Мұстафина мен Индустриальная көшелері аралығында шаған, үйеңкі ағаштарын қосқанда жиыны 150-ден астам жас талдар отырғызды», - деп хабарлады Мәжілістің баспасөз қызметі.
Әдемілік ешқашан артықтық етпейді. Ал бүгінгі отырғызылып жатқан тал-терек, болашақ жасыл желек арайлы Астананың сұлулығын арттырып, халықтың денсаулығын нығайтып, әсем де жасыл қалада өмір сүруіне қолайлы жағдай туғызбақ.
