Қыздар педагогикалық университетіне 70 жыл толды

 «Шараға білім және ғылым министрі Аслан Сәрінжіпов  пен қала әкімі Ахметжан Есімов қатысты», - деп хабарлады қала әкімдігі.

Қала басшысы ЖОО-ның профессорлық-оқытушылық құрамын мерей тоймен құттықтап Елбасының оқу ордасына арнаған жылы лебізін оқып шықты.

«1944 жылы құрылған университет отандық білім беруде кадрларды дайындауға үлкен үлесін қосты. Елдің барлық аймағының студенттері осы білім ордасына білім іздеп келеді. Бұл ордада атақты ғалымдар дәріс оқыды. Сондай-ақ, түлектердің  бірқатары ғылымға бет бұрып, үлкен жетістіктерге жетті», - деді Ахметжан Есімов.

Аслан Сәрінжіпов университет өз түлектерімен мақтана алатындығын атап өтті.

«Университет қазақ қыздарын қазіргі заманға сай тәрбилеп, білім нәрін сусындатып отыр. Бұл ұлттық дәстүрдің сақталуына зор ықпал береді», - деді А.Сәрінжіпов.

Айта кетейік, еліміздің жетекші университетінің бірі 70 жыл ішінде 60 мың ұстаз дайындады.