Астаналық мемлекеттік тілді білу байқауында Қорғаныс министрлігі көш бастады
21 Қыркүйек, 2014 12:04
«Мемлекеттік тіл - мемлекеттік қызметте» атты қалалық байқауда Қорғаныс министрлігінің командасы бірінші орынды иемденді.
Астана қаласы тілдерді дамыту жөніндегі Басқармасы ұйымдастырған шара XVI қалалық тіл фестивалі шеңберінде өткізілді.
«Мемлекеттік қызметшілер амандасу және танысу, ресми хат жазысу мен құжат айналымын жүргізуде қазақ тілінің аясын кеңейту номинациялары бойынша сайысқа түсті», - деп хабарлады Қорғаныс министрлігі.
Құрамында М. Ибрахим, Г. Жоламанова, Т. Айтбай, М. Жанабаева, И. Аюбаева, А. Оспанов сияқты әскери қызметшілер бар Қорғаныс министрлігінің командасы шешендік шеберліктері мен мемлекеттік тілдің кәсіби қызметте білікті қолданылуын көрсетті.
