Б.Сапарбаев: Біздің кадрлар заманауи тәртіптерге сай болуы керек

Конгресске еңбек ұжымдары, ШҚО кәсіподақ ұйымдары, барлық деңгейдегі мәслихат депутаттары, «Нұр Отан» партиясының мүшелері, ардагерлер, жоғарғы оқу орындарының студенттері қатысты.

ШҚО ақпараттық орталығы хабарлағандай, мерекелеу аясында техникалық және кәсіптік білім беру орталықтары ұйымдастырған көрме мен бос жұмыс орындары жәрмеңкесі өтті.

«Біздің кадрлар барлық заманауи тәртіптерге сай келуі тиіс. Жас мамандар уақыттың өзгеруіне бейімделуі тиіс. Өкінішке қарай, жоғарғы оқу орындарының жетекшілері бұған аса назар аудармайды. Оқу жоспарын қайта қарап шығу қажет. Бұл үшін әрине қаржы да керек, бұл шешілетін проблема», - деді облыс әкімі Бердібек Сапарбаев.

Сондай-ақ, мереке қарсаңында өңірде «Өз ісінің хас шебері» атты кәсіптік шеберліктің байқаулары өтті. Оған 97 адам қатысты, оның ішінде 78-і ШҚО-ның 65 кәсіпорын өкілі, 16 шебер 11 колледждің мамандары болса, 3 қатысушы өзін өзі қамтушылар.

«Менің  ата-бабам еңбек адамдары болған. Менің әкем мен атам шопан болған. Мен олардың ізімен кеттім десек те болады. Мен жоғары техникалық білім алдым, бірақ бітірген соң өз отаныма қайтадан келіп өз шаруа қожалығымды аштым. «Рауан» атты шаруашылықтың қожайынымын», - деді жас қатысушылардың бірі Рауан Ақылбекұлы.