Сенат Төрағасы Қ.Тоқаев Татарстан Президентімен кездесті
20 Қыркүйек, 2014 10:31
Қазақстан Республикасы Парламенті Сенатының Төрағасы Қасым-Жомарт Тоқаев Татарстан Президенті Рустам Миннихановпен кездесті.
"Қ.Тоқаев Ресей Федерациясының алдыңғы қатардағы әрі экономикалық дамыған субъектілерінің бірі болып табылатын Татарстанмен қарқынды және көптарапты ынтымақтастықты дамытуға Қазақстанның мүдделі екенін атап өтті", - деп хабарлады Ақорданың баспасөз қызметі.
Жүздесушілер қазақ пен татар халықтарының байланыстарын нығайту көптеген жағдайларда олардың ортақ тарихи-мәдени мұралары мен рухани құндылықтарының тамырластығымен айқындалатынын айтты.
Тараптар Еуразиялық Экономикалық Одақ туралы шартты ратификациялау Қазақстан мен Татарстанның сыртқы экономикалық байланыстарын ықпалдастыру үшін күшті серпін беретінін атап өтті.
