Жыл соңына дейiн Алматы облысында 870 мың шаршы метр тұрғын үй салынады (ФОТО)
19 Қыркүйек, 2014 16:56
Жыл соңына дейiн Алматы облысында 870 мың шаршы метр тұрғын үй қолданысқа берiледi. Бұл туралы бүгiн ҚР Президенті жанындағы Орталық коммуникациялар қызметінiң брифингi барысында Алматы облысының әкімі Амандық Баталов мәлiмдедi.
«Өңірде жаңа тұрғын үй кешендерi облыс орталығында да, сондай-ақ аудандар мен қалаларда да салынуда. Олар жалдамалы пәтерлер, коммуналдық, Тұрғын үй құрылыс жинақ банкi, «Самұрық-Қазына» жылжымайтын мүлiк қоры желiсiмен салынып жатыр. Биылғы жылдың соңына дейiн қолданысқа 870 мың шаршы метрге жуық тұрғын үй аумағы берiледi», - дедi облыс әкiмi.
Айта кетейік, бүгін Алматы облысының әкімі Амандық Баталов журналистермен кездесу барысында өңірдің әлеуметтік-экономикалық дамуы көрсеткіштері мен мемлекеттік бағдарламалардың жүзеге асуы туралы баяндады.
Индира Қауметова
