• Басты
  • Н.Назарбаев отбасылық қатынастарды нығайтудың жоспарын әзірлеуді тапсырды
19 Қыркүйек, 2014 14:45

Н.Назарбаев отбасылық қатынастарды нығайтудың жоспарын әзірлеуді тапсырды

Қазақстан Президенті отбасылық қатынастарды, моральдық-этикалық және рухани адамгершілік құндылықтарды нығайтудың 2015-2020 жылдарға арналған Жалпыұлттық іс-шаралар жоспарын әзірлеуді тапсырды, деп хабарлады Ақорданың баспасөз қызметі.
Н.Назарбаев отбасылық қатынастарды нығайтудың жоспарын әзірлеуді тапсырды

«Мемлекет басшысы осынау маңызды жұмыстың басты орталығы Президент жанындағы Әйелдер ісі  және отбасылық-демографиялық саясат жөніндегі Ұлттық комиссия болуы тиістігіне тоқтала отырып, оның құрамын күшейту және жұмысына азаматтық қоғамның беделді өкілдерін тарту қажеттігін айтты», - делінген хабарламада.

Сонымен қатар, Қазақстан Президенті егде адамдарды жасына қарай кемсітуден қорғау үшін заңнамалық базаны әрі қарай жетілдірудің, сондай-ақ жетім балаларды асырап алған және тәрбиелейтін азаматтарға қолайлы құқықтық ахуал жасаудың  маңыздылығына назар аударды.

Нұрсұлтан Назарбаев отбасын, ана мен баланы қолдау, адамдардың қарттығын лайықты қамтамасыз ету жөніндегі инфрақұрылымды жоспарлы түрде дамытудың маңыздылығын да атап өтті.

Мемлекет басшысы отбасылық ар-ождан құндылықтарын нығайту жөніндегі ақпараттық жұмыстарды күшейтіп, ынтымағы мығым, тату отбасылардың үлгісін кеңінен көрсетудің қажеттігін айтты.

Барлық жаңалықтар
66.249.70.90, 192.168.88.100