Қазақстан Президенті еліміздегі ең үлгілі отбасыны марапаттады (ФОТО)
Республика бойынша өткен дауыс беру қорытындысы бойынша еліміздегі ең үлгілі отбасы болып Оңтүстік Қазақстан облысынан келген Бимаханбетовтер әулеті танылды.
Бұл 8 ұл-қыз тәрбиелеп, олардан 33 немере мен 10-нан аса шөбере сүйіп отырған мерейлі отбасы. Президент үлгілі отбасына естелік статуэтка мен Қазақстанда шығарылған отбасылық микроавтобустың кілтін табыс етті. Сондай-ақ, Елбасы байқауға қатысқан өзге 15 отбасының барлығына елімізде жасалған автокөліктерді сыйға тартты.
Жыл сайыны «Мерейлі отбасы» ұлттық байқауы адамгершілік құндылықтарды және неке мен отбасының жағымды образын қалыптастыру, отбасы мәртебесін көтеру мақсатында Мемлекет басшысының өкімімен бекітілген.
Наурыз бен қыркүйек айы аралығында өткен «Мерейлі отбасы» ұлттық байқауына еліміздің барлық облыстарынан 1298 отбасы қатысты. Өңірлік деңгейде өткен жарыс қорытындысы бойынша 16 отбасы ақтық сынға жолдама алды.
