• Басты
  • ОҚО дәрігерлері Литвада өткен медициналық көмек көрсету сайысында жүлделі орынға ие болды

ОҚО дәрігерлері Литвада өткен медициналық көмек көрсету сайысында жүлделі орынға ие болды

19 Қыркүйек, 2014 11:34
Литвада жедел медициналық көмек көрсету бойынша 8 халықаралық жарыс өтті.

«Шараға  Литва, Германия, Польша, Қазақстан, тағы да басқа елдерден 30-дан аса команда қатысып, өз бақтарын сынады. Ал, Қазақстанның намысын Алматы мен Шымкент қалаларынан келген командалар қорғады», - деп хабарлады облыс әкімдігі.

Атап айтқанда, оңтүстікқазақстандық команданы Шымкент қалалық жедел медициналық көмек көрсету станциясының бас дәрігері Г.Құрманбекова бастап барды.

ОҚО  командасы 2-орынды иеленіп, асқынған коронарды синдром, ми қанайналымының асқынған бұзылысы, көпшілік орында жарақат алуда қандай жедел жәрдем көрсету керектігін біліктіліктерімен дәлелдеді.

Әсіресе, «Миды құтқарушы» номинациясы бойынша жеңімпаз деп танылып, тез және сапалы алғашқы медициналық көмек беріп, теориялық жағынан да, практикалық жағынан да дәрігерлеріміз өздерінің шеберліктерін керемет дәлелдеді.

Шымкенттік дәрігерлер Каунастағы жедел медициналық көмектің құрылымымен, жабдықталуымен, ұйымдастыру жұмыстарымен де танысып, тәжірибе бөлісті.

Шымкент қалалық жедел медициналық көмек көрсету саласында қолдану үшін жаңа технологиямен танысты. Осылайша даярлықтан өткен мамандар алдағы уақытта жедел медициналық көмек көрсету бойынша оқу лабораториясының тренерлері болады деп күтілуде.

Барлық жаңалықтар