Мәскеуде «XX-XXІ ғасырлардағы Қазақтың лирикалық поэзиясы» атты шығармашылық кеш өткізілді (ФОТО)

Ресей елордасының «рухани орталықтарының» бірі болып қалыптасқан Орталық әдебиетшілер үйінде А.Құнанбаев, М.Жұмабаев, С.Сейфуллин, М.Мақатаев, Ж.Нәжімеденов, О.Сүлейменовтың және басқа да ұлы қазақ ақындарының мәңгілік туындылары оқылды.

Қазақтың белгілі әншісі (жыршысы) Бекболат Тілеухан өз өнерін көрсетуімен кештің бағдарламасын байытты.

«Іс-шараға Мәскеудегі Қазақ диаспорасының, оның ішінде «Мұрагер» және «Қазақ тілі» атты қазақ мәдениеті қоғамдарының мүшелері, мәскеудің жоғарғы оқу орындарында білім алып жатқан қазақстандық студенттер, Ресей елордасында орналасқан ҚР ұлттық компаниялары филиалдарының өкілдері, және сүйікті ақындарының туындыларын естегісі келген басқа да отандастарымыз қатысты», - деп сыртқы істер министрлігі хабарлады.

Орталық әдебиетшілер үйін 30 жыл бойы басқарып келе жатқан Галина Максимованың айтуы бойынша, осы секілді іс-шаралар оның еңбек тәжірибесінде әдебиетшілер үйінде алғашқы рет өткізілуде және бұл кеш көркем сөздің танушыларына ұмытылмас іс-шараға айналғаны сөзсіз.

Нұрсұлтан Рейімхан, Әділет Рақымбаев, Нұрқанат Молдахан, Перизат Ярлықасынова және Бақытгүл Ахметқалиева секілді жас әрі дарынды актерлар классикаға айналған аталмыш ақындарының әйгілі туындыларын шын жүрегімен беріліп оқыды.