Мембасқарудың реформасы жылу беру маусымына дайындықта әкімдіктерге өкілеттілік береді – ЭМ
18 Қыркүйек, 2014 13:16
Президенттің мемлекеттік басқаруды реформалау туралы жарлығы әкімдіктерге жылу беру маусымына дайындықта көбірек өкілеттілік береді. Бұл туралы ОКҚ брифингінде энергетика вице-министрі Бақытжан Жақсалиев мәлімдеді.
Вице-министрдің айтуынша, аталмыш жарлық жылу беру маусымына дайындық кезінде өкілеттілікті әкімдіктер құзырына береді.
«Көптеген сұрақтар жергілікті деңгейде жылдам әрі сапалы шешіледі. Жылу беру маусымына дайындық сұрақтары бойынша көптеген қызметтер жергілікті атқарушы органдарға беріледі. Ол тек қана техникалық жұмыстар бойынша ғана емес, жұмыстарды қаржылай ұйымдастыру қызметі де бар», - деді ол.
Оның айтуынша, Президенттің аталмыш жарлығы қазіргі заманға сәйкес.
Суретті түсірген Азамат Әлиев
