• Басты
  • Израильдік компания Көкшетауда жылу-электр орталығын салуға мүдделі
18 Қыркүйек, 2014 10:32

Израильдік компания Көкшетауда жылу-электр орталығын салуға мүдделі

Израильдік «ALL ENERGY LTD»\ Israel компаниясы Көкшетауда ЖЭО құрылысын жүргізуге ниет танытып отыр. Бұл туралы облыс әкімі Сергей Кулагин мен «ALL ENERGY LTD»\ Israel компаниясының қаржы директоры Амиель Валерий арасында өткен кездесуде айтылды.
Израильдік компания Көкшетауда жылу-электр орталығын салуға мүдделі

«Облыс әкімі Сергей Кулагиннің төрағалығымен өткізілген мәжілісте Көкшетау қаласында салынатын жаңа жылу-электр орталығының жобасы талқыланып, техникалық және экологиялық мүмкіндіктері сарапқа салынды. Кездесуге облыс орталығында ЖЭО құрылысын жүргізуге ниетті «ALL ENERGY LTD»\ Israel компаниясы басшылары мен бірқатар облыстық департаменттер мен басқармалардың басшылары қатысты», - деп хабарлады облыс әкімдігінің баспасөз қызметі.

Ең алдымен, мәжіліске қатысушыларға «ALL ENERGY LTD»\ Israel компаниясының өкілдері облыс орталығында бүгінгі таңда экономикалық жағынан тиімді болатын ең арзан отын көзін қолданылатын бу қазандықтарын салу қажеттігін ұсынды.

Компания басшысы Амиель Валерийдің айтуынша, ЖЭО салынған кезде өңірдегі жылу энергиясына деген тапшылықты жоюға болады.

Жаңа ЖЭО 180 МВт электр және 450 Гкал/ч жылу қуатын өндіруге мүмкіндік береді. Меймандар өздерінің осы аталған ЖЭО құрылысын жүргізуге ықылас танытып отырғанын жеткізіп, екі жақты меморандум жасауға шақырды.

Осы орайда, жобаға қатысты ұсыныс-пікірлерді мұқият тыңдап, қорытынды сөз алған облыс әкімі Сергей Кулагин нысанының ең басты экологиялық жағынан тиімді болуын алға тартты, сондай-ақ нақтылы бір шешім қабылдамастан бұрын, жобаның барлық нұсқаларын егжей-тегжейлі саралап барып, сосын ғана нақты бір тоқтамға келу жөніндегі кесімді пікірін айтты.

Барлық жаңалықтар
3.216.79.60, 192.168.88.100