• Басты
  • ДДҰ Қазақстанның МСАК дамытудағы үлесін жоғары бағалады

ДДҰ Қазақстанның МСАК дамытудағы үлесін жоғары бағалады

18 Қыркүйек, 2014 09:45
Ағымдағы жылғы 15-18 қыркүйек аралығында Копенгагенде (Дания) өтіп жатқан Дүниежүзілік денсаулық сақтау ұйымының өңірлік комитетінің 64-ші сессиясында Қазақстан медициналық-санитариялық алғашқы көмекті (МСАК) дамыту бойынша көшбасшы ретінде танылды, деп хабарлады ҚР Денсаулық сақтау және әлеуметтік даму министрлігінің баспасөз қызметі.

«Дүниежүзілік денсаулық сақтау ұйымы (ДДҰ) Қазақстанның медициналық-санитариялық алғашқы көмекті дамытудағы үлесін жоғары бағалады және ұйымның Бас директорының арнаулы шешімі бойынша ҚР Үкіметінің қолдауымен 2015 жылы Алматыда ДДҰ-ның кеңсесі ашылады», - делінген хабарламада.

Аталған орталық МСАК мәселелері бойынша Орталық Азия елдері үшін үйлестіруші рөлін атқаратын болады.  

Еске сала кетейік, осы сессияда Франция, Мальта және Швеция елдерімен қатар Қазақстан 2015-2018 жылдары аралығында Дүниежүзілік денсаулық сақтау ұйымы Атқарушы комитетінің мүшелігіне ену жөнінде ДДҰ ЕӨБ Өңірлік комитетінің қолдауына ие болды.

Барлық жаңалықтар