Ақмола облысының инвестжобалары арқылы 2 млрд теңгенің өнімін өндіру жоспарланған – әкімдік

18 Қыркүйек, 2014 09:16

Ақмола облысының әкімі Сергей Кулагин өңірдің экономикалық әлеуетін арттыру мәселесін өндірістік кәсіпорындардың жетекшілерімен талқылады, - деп хабарлады облыс әкімдігі.

Экономика әлеуетін арттыру жұмыстары жайлы облыс әкімінің орынбасары Қадырхан Отаров әңгімеледі. Оның айтуынша, облыста өнімділікті арттыру үшін үш сала бойынша 12 шара өткізу жоспарланған. Олар: тұрақты кәсіпорындардың жұмысы, осы жылы жүзеге асатын жобалар, кәсіпорындар.

«Физикалық көлем индексі 104 пайызды құрады, ал оны 106 пайызға жеткізу қажет. ФКИ-ді 2 пайызға көтеру үшін тұрақты кәсіпорындар жеткізілген деңгейде жұмыс істеп қана қоймай, қуаттылықты арттырып 8 млрд теңгенің өнімін өндірулері қажет. Ол «AltyntauKokshetau» алтын өндіру зауыты, «Регион-строй» ЖШС, «Степногор тау-химиялық комбинаты», «Новопэк» , «Арыстан» және «Енки» кәсіпорындары», - делінген хабарламада.

Инвестжобалар арқылы 2 млрд теңгенің өнімін өндіру жоспарланған.

Сондай-ақ, аграрилер астық жинауға кіріседі, олар 4,5-5 млн тонна астық өндірмек.