Талдықорғанда Қазақстан мен Беларусь елінің сауда-экономикалық ынтымақтастығы талқыланды

18 Қыркүйек, 2014 09:01

Талдықорған қаласында Қазақстан Республикасы Ішкі істер министрінің орынбасары - Қазақстан-Беларусь сауда-экономикалық ынтымақтастық жөніндегі Үкіметаралық комиссияның Қазақстандық бөлігінің төрағасы В.К. Божконың төрағалығымен комиссияның 11-ші отырысы өтті, деп хабарлады ведомствоның баспасөз қызметі.

Отырыс барысында өнеркәсіптік кооперация, ауыл шаруашылығы өнімдерін өңдеу, машина жасау, көлік және коммуникация, ғарыш саласы, ғылыми-техникалық және мәдени-гуманитарлық ынтымақтастық сияқты салалардағы екіжақты сауда-экономикалық іс-әрекеттер мәселелері қаралды.

Сондай-ақ екіжақты сауда-экономикалық ынтымақтастықтың 2014-2015 жылдарға арналған Жол картасын орындаудың бірінші жылғы қорытындысы шығарылды. Отырыс барысында екі елдегі кәсіпкерлер тобының қатысуымен бизнес-форум өтті. Алматы облысы кәсіпкерлерінің азық-түлік көрмесі ұйымдастырылды, сондай-ақ жекелеген өндірістік және ауыл шаруашылық нысандарына барды.

«Отырыста екі мемлекеттегі кәсіпкерлердің бірлескен жұмысы алдағы уақытта негізінде жаңа шарттарда – 2014 жылғы мамырда Астана қаласында қол қойылған Еуразиялық экономикалық одақтың құрылуы туралы шарт аясында жүзеге асырылатын болады, ол 2015 жылғы 1 қаңтарда күшіне енеді», - делінген хабарламада.

Отырыстың қорытынды құжатында жоғарыда аталған бағыттар бойынша екіжақты ынтымақтастықты белсендендіру және бекіту, біздің елде кәсіпкерлердің жаңа іскери байланыстарын орнату және бар іскери байланыстарды нығайту, сондай-ақ оған екі елдің жаңа өңірлерін тарту арқылы ынтымақтастықты кеңейту бойынша одан арғы қадамдар көзделді.

Барлық жаңалықтар