ҰКП жер қойнауы туралы кодексті кеңейтуді ұсынады
17 Қыркүйек, 2014 17:50
Орталық коммуникациялар қызметінің брифингінде «Кен өндіруші және кен-металлургия кәсіпкерліктері республикалық қауымдастығы» ЗТБ атқарушы директоры, ҚР ҰКП кен-металлургия кешені комитетінің төрағасы Николай Радостовец ҰКП-ның жер қойнауын пайдалану туралы кодексті кеңейту туралы ұсынысын айтты.
«Осы кодексте жанжалдарды шешу, инвесторларға қатысты мемлекеттің стандартты емес шешімдері кезіндегі қолданылатын шаралар, инвесторларды қорғау секілді бөлімдер қамтылатын болады. Осынау құжаттың әлемдегі ең озық құжатқа айналуын қалар едік», - дейді ол.
Оның айтуынша, жер туралы кодекс қабылдануы бірқатар өзге де заңдарды түзететін кешенді құжат болмақ.
«Қазіргі таңда кен-металлургия бөлімшелері мен Үкіметте, кәсіподақтарда, қауымдастықтарда және Ұлттық палата мен кәсіпкерліктерде құрылымдық жұмыстар жүріп жатыр. Қандай да бір жағдайда жаңаша шешім қабылдауға деген талпыныс жұмыс жемістілігіне әсер етеді», - дейді Николай Радостовец.
Индира Қауметова
