• Басты
  • Н.Радостовец: Табиғи ресурстарға бай елге инженер мен техникалық мамандар қажет (ФОТО)

Н.Радостовец: Табиғи ресурстарға бай елге инженер мен техникалық мамандар қажет (ФОТО)

17 Қыркүйек, 2014 17:41
Табиғи ресурстарға бай елге инженер мен техникалық мамандар қажет. деді «Тау-кен өндіруші және кен-металлургия кәсіпорындарының республикалық қауымдастығы» заңды тұлғалар бірлестігінің атқарушы директоры, ҚР Ұлттық кәсіпкерлер палатасы Кен-металлургия кешені комитетінің төрағасы Николай Радостовец ОКҚ брифингінде.

«Жастарға ерекше көңіл бөліп айтатыным, заңгер мен экономист болудың дәурені өтті. Қазақстанның  табиғи қазба байлықтары жеткілікті, бізге инженерлер, техникалық мамандар қажет. Менің жастарға айтатыным: мамандық таңдамас бұрын қайда жұмысқа  тұратындарыңды және қай елде өмір сүріп жатқандарыңды есепке алыңдар», - деді ол.

Сондай-ақ, Н.Радостовецтің айтуынша, Қазақстан инвестициялау саласында кәсіби ілгеріледі.

«Біз соңғы жылдары салық салуда жеңілдіктер мен әлемдік тәжірибеге сай үдерістерді жүргізу дәрежесіне жеттік», - деді ол.

Индира Қауметова

Суретті түсірген Азамат Әлиев 

Барлық жаңалықтар