• Басты
  • А.Башмаков: Ұлттық дәстүр – қоғамның рухани азығы
17 Қыркүйек, 2014 16:13

А.Башмаков: Ұлттық дәстүр – қоғамның рухани азығы

Ұлттық дәстүр – отбасы мен барлық қоғамның басын қосатын рухани негіз болып табылады, деп мәлімдеді бүгін Орталық коммуникациялар қызметінің брифингінде әлеуметтік-мәдени даму және ғылым комитетінің мүшесі Анатолий Башмаков.
А.Башмаков: Ұлттық дәстүр – қоғамның рухани азығы

Оның айтуынша, отбасының беріктігі ұлттық құндылықтар мен Қазақстан халқының бейбіт өміріне тікелей байланысты.

«Отбасы – ең маңызды әлеуметтік институт, ол барлық адамгершілік қасиеттердің бастауы», - дейді А.Башмаков.

А.Башмаковтың пікірінше, рухани-адамгершілік қасиеттер отбасындағы ұлттық дәстүрлердің насихатталуына мұқтаж.

«Бүгінде медициналық көмекке, материалдық қолдауға мұқтаж отбасын қолдаудың бүгінгі моделі ретінде бюджеттен бала басына жәрдемақы төленеді. Елімізде шамамен мұндай 400 мың отбасы бар», - дейді ол.  

Сонымен қатар, ол мемлекеттік қолдаудың арқасында ана өлімі 6 есеге, нәресте өлімі 2 есеге азайғанын айтты.

Барлық жаңалықтар
66.249.66.66, 192.168.88.100