• Главная
  • «Мерейлі отбасы» ұлттық байқауына 1300 қазақстандық отбасы қатысты (ФОТО)
17 сентября, 2014 15:34

«Мерейлі отбасы» ұлттық байқауына 1300 қазақстандық отбасы қатысты (ФОТО)

«Мерейлі отбасы» ұлттық байқауына 1300 қазақстандық отбасы қатысты, деп деп мәлімдеді Орталық коммуникациялар қызметінің брифингінде Қазақстан Республикасы Президенті жанындағы Әйелдері ісі және отбасылық-демографиялық саясат бойынша ұлттық комиссия төрайымы Махаббат Бекбосынова.
«Мерейлі отбасы» ұлттық байқауына 1300 қазақстандық отбасы қатысты (ФОТО)

« «Мерейлі отбасы» байқауы  аяқталуға жақын. Шараға 1298 қазақстандық отбасы қатысты. Оның ішінде 16 өңір бойынша 16 үздік отбасы таңдалды.Әрбір отбасының өзіне тән ерекшелігі бар, отбасылар Астана қаласына байқаудың қорытындысын шығаруға келеді», - деді ол.

М.Бекбосынова атап өткендей, байқауға әр түрлі отбасы қатысты, оның ішінде көпбалалы отбасылар мен еңбек әулеттері бар.

«Бұл мереке ағымдағы жылы бірінші рет өткізіліп отыр. Оның ішінде көпбалалы жанұялар бар. Сондай-ақ, дәрігерлер, энергетиктер, теміржолшылар мен альпинистер отбасы да бар. Бұл көріністен біз Қазақстанның бейнесін көре аламыз», - деді ол.

Айта кетейік, «Мерейлі отбасы» байқауы отбасы құндылықтарын неке институтын насихаттап, қоғамдағы үлгілі отбасы образын қалыптастыруға бағытталған алғашқы ұлттық байқау болып табылады. Байқауға спорт, шығармашылық, зияткерлік және өзге де еңбек салаларында жетістікке жетіп, елдің алды болған отбасылар қатысты.

Индира Қауметова