• Басты
  • X Халықаралық «Еуразия» кинофестивалін өткізуге шамамен 100 млн теңге жұмсалды

X Халықаралық «Еуразия» кинофестивалін өткізуге шамамен 100 млн теңге жұмсалды

17 Қыркүйек, 2014 14:56
X Халықаралық «Еуразия» кинофестивалін өткізуге шамамен 100 млн теңге жұмсалды, деп мәлімдеді бүгін ҚР Президенті жанындағы Орталық коммуникациялар қызметінің брифингінде мәдениет және спорт вице-министрі Асқар Бөрібаев.

«Менде қазір нақты мәлімет жоқ. Дегенмен, «Еуразия» кинофестивалін өткізуге шамамен 100 млн теңгедей бөлінді», - дейді ол.

Оның айтуынша, биыл кинофестиваль ерекше болған. Өйткені ол қазақ киносының аты аңызға айналған тұлғасы Шәкен Аймановтыңң 100 жылдығына арналды.

«Еуразия» кинофестивалі ЮНЕСКО қолдауымен өтіп отыр. Менің пікірімше, бұл ел іші мен жалпы еуразиялық кеңістікте кино өнері саласындағы ауқымды шара. Алматыда өтіп жатқан X Халықаралық «Еуразия» кинофестивалі қазақстандық кино өнерін әлемге танытып, шетелдік әріптестермен ынтымақтастық мүмкіндігін ұсынады», - дейді вице-министр.

Естеріңізге сала кетейік, 16 қыркүйекте Алматыда Халықаралық кинопродюсерлері қауымдастығы федерациясында тіркелген жалғыз Орта Азия кинофорумы болып табылатын X Халықаралық «Еуразия» кинофестивалінің салтанатты ашылуы өтеді. Ал ағылшындардың беделді басылымы International Film Guide әлемдегі ең үздік 35 кинофестиваль қатарына енгізіп отыр.

Индира Қауметова

Барлық жаңалықтар