• Басты
  • Елбасына ЭКСПО аясындағы мәдени-сауық орталығы құрылысының басталғандығы туралы баяндалды
17 Қыркүйек, 2014 14:32

Елбасына ЭКСПО аясындағы мәдени-сауық орталығы құрылысының басталғандығы туралы баяндалды

Елбасы Нұрсұлтан Назарбаев «Астана Групп» ЖШС президенті Нұрлан Смағұловты қабылдады, деп хабарлады Ақорданың баспасөз қызметі.
Елбасына  ЭКСПО  аясындағы мәдени-сауық орталығы құрылысының басталғандығы туралы баяндалды

«Кездесу барысында Н.Смағұлов Мемлекет басшысына «ЭКСПО-2017» жобасының аясындағы мәдени-сауық орталығы құрылысының басталғандығы туралы баяндады», - делінген хабарламада.

Қазақстан Президенті халықаралық көрме құрылысына жоспарланған ғимараттың бірегейлігін атай отырып, оларды көрмеден кейінгі кезеңде тиімді пайдалануды қамтамасыз етудің маңыздылығын айтты.

 «Астана Групп» ЖШС басшысы салынып жатқан нысан Астана қаласының көрікті, қала тұрғындары мен қонақтары үшін тартымды орындарының біріне айналатындығын мәлімдеді.

Жалпы алаңы 140 мың шаршы метрді құрайтын бұл орталықта Қазақстандағы ең ірі балалар аттракциондарының саябағы, 14 залды мультиплекс-кинотеатр, тақырыптық сипаттағы мейрамханалық галереялар, көпфункционалды мұзайдын болады.  Оның құрылысын 2016 жылдың қыркүйегіне дейін аяқтау жоспарланған.

 

Барлық жаңалықтар
18.210.11.249, 192.168.88.100