Астанада 2014 жылы негізгі капиталға құйылған инвестиция көлемі 15 пайызға көбейді
17 Қыркүйек, 2014 18:46
2014 жылғы қаңтар-тамызда негізгі капиталға салынған инвестициялардың көлемі 352040,8 млн. теңгені құрады, бұл 2013 жылғы қаңтар-тамызбен салыстырғанда 14,8%-ға жоғары, деп хабарлады Астана қаласының статистика департаменті.
«Астананың республикалық көлемдегі үлесі 9,5% құрады.Инвестициялардың көп үлесі жеке меншіктегі кәсіпорындармен игерілді, бұл олардың жалпы көлемінің 62,5%-ын құрайды», - делінген хабарламада.
Қаржыландыру көзінің бөлінісінде мемлекеттік бюджеттік каражаттар 31,0%-ды, кәсіпорындар мен ұйымдардың жеке қаражаттары 54,5%-ды, банк кредиттері 4,2%-ды, басқа қарыз қаражаттары 10,3%-ды құрайды.
