Қызылордада жаңа ХҚКО салынады
16 Қыркүйек, 2014 12:22
Қызылордада 15 қабатты Халыққа қызмет көрсету орталығы салынады. Бұл туралы «МТС Компани ЛТД» ЖШС бас сәулетшісі Дәурен Ілиясов мәлімдеді.
«Жаңа нысанның эскиздік жобасы сәулет-қала құрылысы кеңесінде таныстырылды.Әкімшілік ғимарат 15 қабаттан тұрады. Ғимараттың бірінші және үшінші қабаттарында ойын-сауық орталығы, сауда орындары, мейрамхана, 2 кинотеатр, техникалық бөлмелер, киім ілетін орындар, балаларға арналған аттракциондар болады. Ал, төртінші қабаттан бастап он төртінші қабатқа дейін кеңсе бөлмелері орналасады», - деп хабарлады облыс әкімдігінде.
Сонымен қатар, ғимараттың аумағында автотұрақ, демалуға арналған алаңдар қарастырылған.
