10 жылдан астам уақыт ішінде білім саласына құйылған инвестиция көлемі 8 есеге өсті – Қ. Тоқаев
15 Қыркүйек, 2014 16:32
10 жылдан астам уақыт ішінде білім саласына құйылған инвестиция 8 есеге өсті. Бұл туралы «Қазақстан-2050» Стратегиясы және оның халықаралық бірлестіктегі рөлі тақырыбына арналған дөңгелек үстелде ҚР Парламенті Сенатының төрағасы Қасым-Жомарт Тоқаев мәлімдеді.
«6 еседен жоғары зейнетақы көлемі, білім саласына инвестицияның құйылуы 8 есеге, денсаулық сақтау саласына деген шығын 9 есеге өсті. Соңғы 15 жыл ішінде бізде 1000 аурухана, 1100 мектеп, 4000 балабақша ашылды», - деді Қ. Тоқаев.
Сондай-ақ, ол 13 жыл ішінде жұмыссыздық деңгейі төмендегенін атап өтті.
«Экономикалық әлеуеттің нығаюы әлеуметтік қамсыздандыру мәселелерінің шешіміне айналды, жұмыссыздықты 2000 жылы 12,8 пайыздан 2013 жылы 5,2 пайызға дейін қысқартуға мүмкіндік берді. Осы уақыт аралығында күнкөрістің ең төменгі көрсеткішінен төмен алатын қазақстандықтардың үлесі 4 есеге қысқарды», - деді ол.
Сондай-ақ, Сенат төрағасының айтуынша, жалақының деңгейі 2013 жылдың соңында айына 107 мың теңгеге жетті.
Индира Кауметова
