Қазақстан дамудың жаңа деңгейіне өтуде – Қ. Тоқаев (ФОТО)
15 Қыркүйек, 2014 15:57
Қазақстан өз егемендігін алғаннан кейін қарқынды дамып жатқан елдердің бірі. Бұл туралы «Қазақстан-2050» Стратегиясы және оның халықаралық бірлестіктегі рөлі тақырыбына арналған дөңгелек үстелде ҚР Парламенті Сенатының төрағасы Қасым-Жомарт Тоқаев мәлімдеді.
«Қазір Қазақстан сапалы даму деңгейіне өтуде, бұл дегеніміз барлық елдің жаңғыртылуына саяды. Мұндай мақсатты міндет біздің еліміздің осыған дейін бағындырған жетістіктерінің жалғасы болып есептеледі», - деді Сенат төрағасы.
Сондай-ақ, Қ. Тоқаев біздің ел халықаралық дағдарыс кезеңінде тұрақталықты сақтап қалғанын атап өтті.
«Соңғы 13 жыл ішінде Қазақстан экономиканың жоғары өсіміне ие, ол әлемнің жетекші елдерінің біріне айналды. 2007-2009 жылдары әлемдік дағдарыс кезінде де Қазақстан заманауи реформалар мен дағдарысқа қарсы шаралардың арқасында тұрақтылығын сақтап қалды», - деді ол.
Сондай-ақ, Сенат төрағасы 2014 жылы Қазақстан экономикасының өсімі 5 пайызды құрағандығын айтып өтті.
Индира Қауметова
Суретті түсірген Азамат Әлиев
