Алматыда шетелдік сарапшылар дәрігерлерді үзіліссіз оқыту мәселесін талқылайды
15 Қыркүйек, 2014 18:44
25-27 қыркүйек аралығында Алматыда «Үзіліссіз медициналық білім беру – медициналық көмектің қауіпсіздігі мен сапасына кепіл» республикалық конференциясы өтеді.
«Конференцияның мақсаты - Еуропа, Азия, АҚШ пен жақын шет елдердің алдыңғы қатарлы мамандарының басын қосып, медицина мамандарының кәсіби дамуы саласындағы түйіткілді мәселелер бойынша тәжірибе алмасу», - деп хабарлайды Қазақ медициналық үздіксіз білім беру университетінде.
Конференция бағдарламасына үздік шетелдік мамандардың қатысуымен шеберлік сабақтары енгізіледі. Жұмыс қорытындысы ретінде әлемдік үздік білім беру орталықтарымен әріптестік қатынас құру мен ҚР медицина мамандарын халықаралық сертификат алу мүмкіндіктерін ұсына отырып білім мен біліктіліктерін арттыруға арналған бағдарламалар дайындау болып табылады.
Шара оқу орнының бірінші ректоры Айдархан Әбсаттаровтың 100 жылдығына арналған.
