Талдықорғандағы мешіттің құрылысы аяқталуға жақын
15 Қыркүйек, 2014 10:34
Алматы облысының әкімі Амандық Баталов Талдықорған қаласындағы жаңа мешіттің құрылысымен танысты.
Өңір басшысына мердігер фирма "Ауыл құрылыс" ЖШС бас директоры Анатолий Рябинин құрылыс барысы мен іске қосу мерзімі туралы баяндады.
«Жалпы, мешіт ішінде кітапхана, сыныптық бөлмелер де болады деп жоспарланып отыр. Фирма өкілдерінің айтуынша, құрылыс аяқталуға жақын, ендігі жерде дизайнерлік-безендіру жұмыстарын, ландшафттық әрлеу ісін аяқтау және ғимарат сыртын жарықтандыру мәселесін шешу ғана қалған. Сөйтіп, негізгі жұмыстар жақын арада бітеді деп сендірді», - деп хабарлады облыс әкімдігінде.
