• Басты
  • «Мерейлі отбасы» ұлттық байқауы аясында атыраулық отбасылар түрлі номинация бойынша бақ сынасты
15 Қыркүйек, 2014 09:16

«Мерейлі отбасы» ұлттық байқауы аясында атыраулық отбасылар түрлі номинация бойынша бақ сынасты

Атырау облысында «Мерейлі отбасы» ұлттық байқауы аясында бірнеше отбасы түрлі номинациялар бойынша бақ сынасты.
«Мерейлі отбасы» ұлттық байқауы аясында атыраулық отбасылар түрлі номинация  бойынша бақ сынасты

«Дені сау отбасы» номинациясы  бойынша жеңімпаз ретінде Исатай ауданынан Әміржан мен Айгүл Қабденовтер танылды. «Тату отбасы» номинациясында  Мақат ауданының Сәлиевтер әулеті суырылып алға шақты. Отағасы Мақсот Сәлиев еңбек ардагері, көптеген жылдар бойы мұнай саласында еңбек еткен, бәйбішесі Қарлығаш Оразымбетова өз өмірін денсаулық сақтау саласына арнаған адам. Төрт бала тәрбиелеп отырған бұл отбасы «тату отбасы» номинациясына  әбден лайық деп танылды.

Комиссияның пікірінше, байқауға қатысқандардың ішінде «Парасатты отбасы» аталымына ең лайық отбасы Диаровтар әулеті. Атырау өңірінің тұңғыщ геологы, оқымысты Муфтар Диаров үлгілі тұлғалардың бірі. Бәйбішесі Раиса Александрқызымен екі бала тәрбиелеп өсірген. 

Қызылкөгін ауданының теміржолшылар әулеті Пұсырмановтар «Мерейлі отбасы» номинациясы  бойынша үздік деп танылды. Отағасы Жүсіп Оразымбетовтың қайтыс болғанынан кейін батыр ана Жарқын Пұсырманова жалғыз өзі он бала тәрбиелеп өсірді.

Облыс басшылығы байқау жеңімпаздарына бағалы сыйлықтар табыстап, дипломдар мен мақтау қағаздарын табыстады.

Индира Қауметова

Барлық жаңалықтар