Ақмола облысында жас отбасылар байқауы өтті
14 Қыркүйек, 2014 12:30
Ақмола облыстық жастар ресурстық орталығы Отбасы күніне орайластырып «Есте болсын жанұя» атты өңірдің жас отбасылары арасында облыстық байқау өткізді.
Байқауға қатысу үшін әр отбасы «Вконтакте» әлеуметтік желісінде ұлттық нақыштағы суреттерін жариялап, барынша көп мөлшерде «лайк» жинау керек болды. Сонымен қатар отбасы тарихынан қызық қызық естеліктер айту талап етілді.
Байқау қорытындысы «Достар» мәдениет сарайында өткізілді.
«Байқау жеңімпаздары ретінде бас жүлдені Зеренді ауданының Бижановтар отбасы иеленді. Бижановтар отбасы халқымыдың барлық салт-дәтүрлерін берік ұстанатын көпбалалы жас отбасы. Олар бүгінгі таңда төрт бала тәрбиелеп отыр», - деп хабарлайды «Ақмола Медиа Орталығы».
Үздіктер үштігіне Аршалы және Шортанды аудандарының отбасылары да енді. Байқауға қатысушылардың барлығына сертификаттар мен құнды сыйлықтар табысталды.
