«Мерейлі отбасы» республикалық байқауы қатысушысы батыр ана жалғыз өзі он бала тәрбиелеп өсірді
«Дені сау отбасы» аталымы бойынша жеңімпаз ретінде Исатай ауданынан Әміржан мен Айгүл Қабденовтер танылды.
«Тату отбасы» аталымында Мақат ауданының Сәлиевтер әулеті жеңімпаз болды. Отағасы Мақсот Сәлиев еңбек ардагері, көптеген жылдар бойы мұнай саласында еңбек етіп, бәйбішесі Қарлығаш Оразымбетова өз өмірін денсаулық сақтау саласына арнаған адам. Төрт бала тәрбиелеп отырған бұл отбасы «тату отбасы» аталымына әбден лайық деп танылды.
Комиссияның пікірінше, байқауға қатысқандардың ішінде «Парасатты отбасы» аталымына ең лайық отбасы Диаровтар әулеті. Атырау өңірінің тұңғыщ геологы, оқымысты Муфтар Диаров үлгілі тұлғалардың бірі. Бәйбішесі Раиса Александрқызымен екі бала тәрбиелеп өсірген.
Қызылкөгін ауданының теміржолшылар әулеті Пусырмановтар «Мерейлі отбасы» аталымы бойынша үздік деп танылды. Отағасы Жүсіп Оразымбетовтың қайтыс болғанынан кейін батыр ана Жарқын Пусырманова жалғыз өзі он бала тәрбиелеп өсірді.
Индира Қауметова
