• Басты
  • Бірінші сынып оқушыларының ата-аналарына психологиялық көмек көрсету конференциясына 170 мың адам қатысады
13 Қыркүйек, 2014 12:27

Бірінші сынып оқушыларының ата-аналарына психологиялық көмек көрсету конференциясына 170 мың адам қатысады

Бірінші сынып оқушыларының ата-аналарына психологиялық көмек көрсету конференциясына 170 мың адам қатысады, деп мәлімдеді бүгін Орталық коммуникациялар қызметінің брифингінде Отбасылық тәрбие институты бас директоры, профессор Софья Евдокимова.
Бірінші сынып оқушыларының ата-аналарына психологиялық көмек көрсету конференциясына 170 мың адам қатысады

«Ертең конференцияға 17 қаладағы ата-аналар қатысып, арнайы дайындалған 250 психолог оларға көмек береді. Олар 250 алаңда балаларды қалай тәрбимелеу керектігін, баламен қалайша дұрыс байланыс құру керектігін, жаңа ортаға бейімделуде қалайша қолдау көрсету керектігін айтатын болады», - дейді С. Евдокимова.

Оның айтуынша, екі сағаттық конференция барысында барлық қызығушылық танытқан ата-аналар баланың бірінші сыныпта дұрыс тәрбие көруіне қатысты кез келген сұрақтарына жауап ала алады.

«Сағат 10-нан 12-ге дейін ата-аналарға тегін психологиялық кеңес беріледі. Шараға 170 мыңдай ата-ана қатысады деп күтілуде. Бұндай шара елімізде бұрын-соңды болған емес. Тіпті посткеңестік елдерде де қолға алынбаған. Тек қала халқы емес, ертең бізге ауылдық жерлер де қосылады», - дейді профессор.

Сонымен қатар, Отбасылық тәрбие институты директорының айтуынша, конференция мектептің оқыту тіліне байланысты қос  тілде өткізіледі.


Естеріңізге сала кетейік, шара ҚР Білім және ғылым министрлігі мен ҚР Президенті жанындағы әйелдер ісі және отбасылық-демографиялық саясат ұлттық комиссиясының қолдауымен өткізілмек.

Индира Қауметова

Барлық жаңалықтар
3.235.136.34, 192.168.88.100