13 сентября, 2014 12:04

Қазақстандық 250 мектепте бір мезетте ата-аналар жиналысы өтеді (БРИФИНГ БЕЙНЕБАЯНЫ)

Қазақстандық 250 мектепте бір мезетте ата-аналарға арналған «Бірінші сынып оқушыларының ата-аналарына арналған психологиялық көмек» атты конференция өтеді, деп мәлімдеді бүгін Орталық коммуникациялар қызметінің брифингінде Қазақсан Республикасы Парламенті Мәжілісінің Экономикалық реформа және өңірлік даму комитетінің мүшесі Айгүл Соловьева.

«Отбасылық тәрбие институты «Нұр Отан» партиясымен бірігіп Қазақстанның барлық өңірінде жарты жыл бойы кеңе беру жұмыстарын жүргізіп, психологтар жеткізді. Енді олар ертең конференция өткізгелі отыр. Оған кез келген ата-ана барып қатысып, өзінің көкейіндегі сауалдарға жауап ала алады», - дейді.

Сонымен қатар, оның айтуынша, аталмыш институтты «Нұр Отан» партиясы, депутаттық корпус мен өңір әкімдіктері қолдап отыр.

«Нұр Отан» партиясы 241 үкіметтік емес ұйымды тартты. Партияның ресурсы жетеді. Мұны депутаттық корпус та Парламентке заңнамалық тұрғыда ұсынатын болады. Аталмыш шараны ұйымдастыруға арнайы осылайша бюджет те қарастырылмақ», - дейді А.Соловьева.

Айта кету керек, конференция 10 қыркүйек күні таңертеңгі 10-нан басталады. Ол Қазақстанның 17 қаласында бір мезгілде ұйымдастырылмақ.

Индира Қауметова

Барлық жаңалықтар