• Басты
  • Астананың еңбекке жарамды халқының 40%-ы ШОБ-та жұмыс істейді – әкімдік

Астананың еңбекке жарамды халқының 40%-ы ШОБ-та жұмыс істейді – әкімдік

13 Қыркүйек, 2014 11:04
Астанадағы экономикалық белсенді халықтың 40 пайызы,яғни 180 мың адам елордадағы шағын және орта бизнесте еңбек етеді.

«Елордадағы еңбекке жарамды халықтың шағын және орта бизнесте жұмыс істейтін азаматтар саны шамамен жалпы көрсеткіштің жартысына жетеді (шамамен 180 мың адам)», - деп хабарлайды қалалық әкімдік.

Қалада бүгінгі таңда 50 мыңдай шағын және орта кәсіпкерлік субъектілері тіркелген. Ал ірі кәсіпкерліктерде мыңдаған қала тұрғыны еңбек етеді. ҚР үдемелі индустриялды-инновациялық даму мемлекеттік бағдарламасының бірінші бесжылдығын іске асыру аясында өңірлік Индустрияландыру картасына 3 мыңдай жұмыс орнын ашуға мүмкіндік берген 86 млрд теңгенің 19 жобасы пайдалануға берілгені белгілі.

Жалпы, Астана қаласы әкімдігінің мәліметінше, жыл басынан бері 9,4 мың жаңа жұмыс орны ашылса, соның 6 мыңы шағын және орта кәсіпкерлікке тиесілі.

Астана бойынша бүгінгі таңда 830 мың тұрғын бар. Соның 447 мыңы экономикалық белсенді халық болып саналады.

Барлық жаңалықтар