Қазақстан ҚХА –ны ЮНЕСКО дүниежүзілік мұрасының тізіміне енгізуге өтінім берді

12 Қыркүйек, 2014 18:15

Қазақстан ҚХА –ны ЮНЕСКО дүниежүзілік мұрасының тізіміне қосу үшін өтінім берді.Бұл туралы Орталық коммуникациялар қызметінде өткен брифингте мәдениет және спорт министрі Арыстан Мұхамедиұлы мәлімдеді.

«Біз ЮНЕСКО дүниежүзілік мұрасының тізіміне ҚХА-ны енгізуді құп көреміз», - деді ол.

Ол атап өткендей, ЮНЕСКО тізіміне материалдық және материалды емес бағыттар енеді.

«Біз өтінім бердік, Ассамблея әлемдік өркениетке сәйкес болуы керек», - деді министр.

Қазақстан халқы Ассамблеясы төрағасының орынбасары атап өткендей, 2015 жылдың бірінші айында Қазақстан халқы Ассамблеясы жылының ашылуына байланысты үлкен іс-шаралар жоспарланған.

«Сәуірде жылдағы сессиямыз өтеді. Мамыр айында Ұлы жеңістің 70 жылдығына орай бір ай бойы ардагерлерге көмек көрсетіледі. Бұған қоса келесі жылы Конституциямызға жиырма жыл толады. Осы мерейтойға ауқымды жоспар белгіленіп отыр. Келесі жылдың күзінде бірқатар үлкен фестивальдер өткізу көзделген. Оның ішінде мемлекеттік тілге байланысты іс-шаралар бар. Келесі жылға межеленген ең негізгі шара – Қазақстан халқы форумы. Сондай-ақ, әлеуметтік жоспарымыз да бар», - деп толықтырды ол.

Индира Қауметова

Барлық жаңалықтар