Қазақстанда 17 қазан күні Рухани келісім күні аталып өтіледі (ФОТО)
12 Қыркүйек, 2014 16:33
Қазақстанда 17 қазан күні Рухани келісім күні аталып өтіледі. Бұл туралы Орталық коммуникациялар қызметінде өткен брифингте ҚР Президенті Әкімшілігі Қазақстан халқы Ассамблеясы төрағасының орынбасары – Ассамблея хатшылығының меңгерушісі Ералы Тоғжанов мәлім етті.
«Біз бірқатар ірі шараны осы жылға жоспарладық, 17 қазан күні 12 мемлекеттің қатысуымен Рухани келісім күні аталып өтіледі. Бұл бүгінде өз қатысушылығын мақұлдаған елдер. Атап айтсақ, дүниежүзілік халықаралық форум өз жұмысын рухани келісім күні өткізеді. Аталмыш форум бізде Төлеген Мұхамеджановтың қатысуымен 1992 жылдан бастап өткізіліп келеді», - деді Е. Тоғжанов.
Айта кетейік, келер жыл Қазақстан халқы Ассамблеясының жылы деп жарияланды. Бұл шешім Мемлекет басшысының ұсынысы бойынша бекітілді. Мереке күні елде бірқатар мәдени және мерекелік шаралар өтеді.
Индира Кауметова
