Ақтөбе облысының халқы 5%-ға өсті

«Кешенді шараларды қолдану қорытындысы медициналық-демографиялық жағдайды  жақсартты. Ақтөбе облысында туу көрсеткіші 5 пайызға өсті, ал өлім-жітім 7,7 пайызға қысқарды»,- деп Ақтөбе облысының әкімі хабарлады.

Оның айтуынша, өңірде туберкулезбен ауыратын балалардың өлім-жітімі азайды.

«Сәбилердің өлім-жітімі 7,3 пайызға қысқарды. Туберкулезбен ауыратындар саны 10,4 пайызға кеміп отыр. Онкологиялық ауру 27 пайызға қысқарды. Өмір сүру ұзақтығы 71,1 жылды құрады, ал бұл көрсеткіш республика бойынша 70,5 жылды құрап отыр», - деді ол.

Сондай-ақ, әкімнің айтуынша денсаулық сақтау саласына 2014 жылы 30 млрд теңге қарастырылып отыр. Оның ішінде 27 млрд теңгесі тегін медициналық көмектің кепілдендірілген көлеміне бағытталған. Бірінші жарты жылдықта 14,4 млрд теңге немесе 99,8 пайыз игерілді. 

Индира Қауметова