12 Қыркүйек, 2014 15:47
Үкіметте ЭКСПО-2017 дайындығына бизнесті тарту мәселелері қаралды
Үкімет Үйінде ҚР Премьер-Министрінің бірінші орынбасары Бақытжан Сағынтаевтың төрағалығымен ЭКСПО-2017 халықаралық көрмесін ұйымдастыру мен өткізу кезінде бизнесті тарту мәселелері жөнінде кеңес өтті, деп хабарлады ҚР Премьер-Министрінің ресми порталы.
Кеңес жұмысына орталық мемлекеттік органдардың басшылары мен Ұлттық кәсіпкерлер палатасының өкілдері қатысты.
Кеңес барысында Ұлттық экономика министрлігінің Ұлттық кәсіпкерлер палатасымен бірлесіп әзірлеген ЭКСПО-2017 халықаралық көрмесін ұйымдастыру мен өткізу кезінде бизнесті тарту жөніндегі Іс-шаралар жоспары қаралды.
Талқылау нәтижесі бойынша Бақытжан Сағынтаев мемлекеттік органдарға және Астана қаласы әкімдігіне тиісті Жоспар аясында жұмысты жалғастыруды тапсырды.
