• Басты
  • Ақтөбе облысында «ЖҚЖК-2020» аясында 7 ай ішінде 9 мыңнан астам жұмыс орны ашылды

Ақтөбе облысында «ЖҚЖК-2020» аясында 7 ай ішінде 9 мыңнан астам жұмыс орны ашылды

12 Қыркүйек, 2014 12:48
Ақтөбе облысында «Жұмыспен қамтудың жол картасы-2020» бағдарламасы аясында 7 айда 9 мыңнан астам жұмыс орны ашылды. Бұл туралы бүгін Орталық коммуникациялар қызметінің брифингінде Ақтөбе облысының әкімі Архимед Мұхамбетов мәлімдеді.

«Ақтөбе облысында «Жұмыспен қамтудың жол картасы-2020» бағдарламасы аясында 7 ай ішінде 9 мыңнан астам жұмыс орны ашылып, 5654 жұмыссыз азаматтың екі қолға бір күрек табуына көмек көрсетілді», - дейді әкім.

Сонымен қатар, оның айтуынша, өңірде уақытша жұмыспен қамту шараларының да қарқыны жоғары, мысалы, 3 мыңдай адам осы уақытта уақытша еңбекке араласқан.

«Халықтың мақсатты тобына жататын азаматтарды жұмыспен қамту үшін кәсіпкерліктер мен ұйымдарда 866 әлеуметтік жұмыс орындары ашылып, жастардың тағылымдамасына 725 адам жіберілді», - дейді өңір басшысы.

Оның айтуынша, «Жұмыспен қамтудың жол картасы-2020» бағдарламасына жалпы 5 млрд теңге бөлінген.

Индира Қауметова

Барлық жаңалықтар