Қазақстан мен Түрікменстан мәдениет және спорт саласындағы ынтымақтастықты нығайтуда
12 Қыркүйек, 2014 14:46
Бүгін ҚР мәдениет және спорт министрі А.Мұхамедиұлының Түрікменстанның Қазақстан Республикасындағы Төтенше және Өкілетті Елшісі Мактымгулы Акмырадовпен мәдениет және спорт салаларындағы мемлекетаралық ынтымақтастық бойынша кездесуі өткізілді.
Әңгіме мәдениет және өнер салаларын талқылаудан басталды. Кездесу қатысушылары бұл саладағы ынтымақтастықты кеңейту мәселесі бойынша бірауыздық түсіністікті білдірген болатын.
Мәдениет және спорт министрлігі хабарлағандай, қазақстандық ведомства басшысы мен Түрікменстан Елшісі мәдени саладағы тәжірибе және екі мемлекеттің мәдениет және өнер өкілдерінің арасында шығармашылық байланыстармен алмасуға келісті. Сонымен қатар, қатысушылардың ойынша мәдениет саласындағы ықпалдастық тұрақты және ұзақ мерзімді болуға тиіс.
Тараптар арасында Қазақстан мен Түрікменстан жетекші ұжымдарының қатысуымен түрлі концерттер, көрмелер, спектакльдер ұйымдастыруға келісімі жасалды.
