• Басты
  • Бейбітшілік пен келісім маршының қатысушылары 7300 шақырымды бағындырды

Бейбітшілік пен келісім маршының қатысушылары 7300 шақырымды бағындырды

12 Қыркүйек, 2014 09:45
Қазақстанға халықаралық «Қайнар көзге апарар жол -2014» бейбітшілік пен келісім маршының қатысушылары келіп жетті. Кеше Астанадағы Бейбітшілік және келісім сарайында Қазақстан, Ресей, Украина, Румыния, Болгария мен Греция сапарларының қорытындысы шығарылды.

Жобаның қорытындысын шығара отырып Бейбітшілік және  келісім маршы жобасының атқарушы директоры Шымкент қаласындағы татар және башқұрт этномәдени қоғамдық бірлестігінің төрағасы, Қазақстандағы татар мен башқұрт қауымдастығы президиумының мүшесі, академик Руслан Абдуллин аталмыш елдерді аралау барысындағы өткен қызықтарымен бөлісті.  

«Біз бас-аяғы 7310 км жүріп өттік. Соның мың шақты шақырымын жаяу бағындырдық. Марш аясында Астана, Уфа, Қазан, Мәскеу, Киев, Умань, Одесса, Татарбунар, Измаил, Константа, Варна, Карлово, София, Сидирокастро мен Салоники қалаларында дінаралық бейбітшілік пен ынтымақтастық күндері ұйымдастырылды. Шараның соңғы нүктесі Путивль қаласында қойылды. Мәскеу мен Қазанда шараның қорытындысын жасадық. Марш қатысушылары ретінде Қазақстан, Ресей, Украина, Болгария, Италиядан 23 адам тіркелген. Олардың арасында мұсылман да, христиан да, иудей де бар», - дейді Р.Абдуллин.

Оның айтуынша, Бейбітшілік және  келісім маршы ешқандай да саяси және діни мақсатты көздемейді. Оның негізінде қоғамдық, конфессиялық және конфессияаралық құндылықтар жатыр.

Қазақстандағы татарлар мен башқұрттар қауымдастығының медиа орталығының хабарлауынша, Қазақстанның оңтүстігінде «Шығыс-Батыс» атты туризм орталығы дайындалмақ. Сонымен қатар, Қазақстан мен Ресейдегі туристік әлеуетті арттыру көзделген.

Барлық жаңалықтар