Мәжiлiсте «Ақпараттандыру туралы» заң жобасы таныстырылды
11 Қыркүйек, 2014 19:04
Бүгiн ҚР Парламентi Мәжiлiсi Әлеуметтiк-мәдени даму комитетiнiң отырысында «Ақпараттандыру туралы» заң жобасының жаңа редакциясы таныстырылды.
Мәжілістің баспасөз қызметі хабарлағандай, заң жобасы «Электронды үкiмет» құрылымының құқықтық базасын қалыптастыру, ақпараттық коммуникациялық технологиялар (АКТ) нарығын дамытуды мемлекеттiк қолдау, мемлекеттiк органдар қызметiнiң бизнес пен халық үшiн қолжетiмдiлiгi мен ашықтығын, ақпараттық қоғамға өту шарттарын жасау және АКТ саласындағы қауiпсiздiктi құқықтық реттеу мақсатында әзiрленген.
Таныстырылған «ҚР кейбiр заңнамалық актiлерiне ақпараттандыру мәселелерi бойынша өзгерiстер мен толықтырулар енгiзу туралы» iлеспе заң жобасы ҚР 6 кодексiне, 19 заңына өзгерiстер мен толықтырулар енгiзудi қарастырады.
Сонымен қатар, 47-ге жуық заңға қосымша нормативтiк-құқықтық актiлер әзiрлеу көзделген.
