Шығыс Қазақстанда студенттік жастарға толеранттылық бойынша сабақтар өткізілді
11 Қыркүйек, 2014 19:23
Шығыс Қазақстанда «Алтай-халықтар достығының алтын бесігі» халықаралық форумы аясында толеранттылық мектебі ұйымдастырылды.
ШҚО ақпараттық орталығы хабарлағандай, студенттерге дәрісті облыстық орталық университетінің және Барнаул қаласының ғалымдары оқыды.
Мектептегі дәріске Өскеменнің 4 ЖОО студенттері қатысты. Сабақ аясында университет оқытушылары «тең дәрежеде» студенттік жастармен бос форматта дәріс өткізді. Отырыста толеранттылық, қоғамдық-саяси оқиғалар бойынша маңызды тақырыптар талқыланды.
Сондай-ақ, студенттерге «Қарым-қатынастың сындарлылық негізі», «Түсінудің психологиялық негізі» тақырыбындағы тренингтер өтті.
