Сенат депутаттары Парламенттің 4-інші сессия жұмысының басым бағыттары туралы айтты (ФОТО)

11 Қыркүйек, 2014 13:09

ҚР Парламентінің төртінші сессиясы өз жұмысын бастап, сессияның ашылуында Мемлекет басшысы құрылымдық реформаның негізгі бағыттарын атады. Осы бойынша депутаттық корпусқа алдағы парламенттік маусым қызметінің бағдарламасы болып табылатын заңнамалық жұмыстарды жүргізу керектігі айтылды.

ҚР Президенті жанындағы Орталық коммуникациялар қызметінің брифингінде Сенат депутаты Рашит Ахметов пен Серік Ақылбай Парламенттің төртінші сессиясы жұмыстарының басым бағыттарын атады.

«Президент сессияны аша отырып бүгінгі таңда Парламент пен Үкіметтің өзара бірлесе жұмыс істеуінің маңыздылығын атап көрсеткен еді. Бұл дегеніңіз елдегі маңызды қоғамдық қатынастарды заңнамалық қамтамасыз ету мен реттеу болып табылады. Алға қойылған міндеттемелер өмірдің барлық қырын қамтитындықтан ірі жаһандық мәнге ие. Берілген тапсырмаларды шешу жолдарын Мемлекет басшысының өзі атап көрсетті. Осыған орай бірқатар заң жобаларын шұғыл қабылдау керек болып отыр», - дейді С.Ақылбай.

Атап айтар болсақ, брифингте мемлекеттік басқару деңгейлері құзіретін заңнамалық реттеу, кәсіпкерлікті дамыту мен қолдау мәселесі мен жаңа заманның кодексі болып табылатын Кәсіпкерлік және Азаматтық процессуалды кодексті қабылдау процесін аяқтау қажеттілігі талқыланды.

Сонымен қатар, сенат депутаттары арбитражды сотты әрі қарай дамыту, рұқсаттама құжаттары санын қысқарту мен елдегі жемқорлықпен күресті күшейтуге қатысты бірқатар мәселелерге тоқталды.

Индира Қауметова

Суретке түсірген Азамат Алиев

Барлық жаңалықтар