Жаңа АПК азаматтық дауларды жедел әрі сапалы қарауға мүмкіндік береді
11 Қыркүйек, 2014 12:48
Жаңа АПК азаматтық дауларды жедел әрі сапалы қарауға мүмкіндік береді, деп мәлімдеді бүгін Орталық коммуникациялар қызметінің брифингінде Қазақстан Республикасы Парламенті Сенатының депутаты Серік Ақылбай.
«Жаңа азаматтық-процессуалдық кодекстің басты міндеті сотқа шағымданудағы көпсатылықты қысқарту, қағазбастылықтан арылту, азаматтық дауларды сапалы әрі тез арада қарауды қамтамасыз ету», - дейді.
Сонымен қатар, Парламент депутатының айтуынша, жаңа АПК енгізілуі Қазақстандағы қылмыстық сот өндірісі жүйесін жаңғыртпақ.
«Осы орайда Парламент тарапынан аталмыш бағытта ауқымды шаралар атқарылды. Жаңа кодекстер қабылданып, Қылмыстық, Қылмыстық-процессуалды, Қылмыстық-атқару және Әкімшілік құқық бұзушылық кодекстері ретке келтірілді. Олар Мемлекет басшысының тапсырмасымен дайындалып, өз кезегінде Қазақстандағы қылмыстық сот өндірісін жаңғыртуға мүмкіндік беріп, замануи қатерлерді реттеуде таптырмас әдіс ұсынады», - дейді сенатор.
Индира Қауметова
